Rrjeti më i famshëm social në internet, Facebook, gjatë kësaj jave njoftoi se do të lansojë një shërbim të ri që kërcënon të dëmtojë pozitën udhëheqëse në fushën e mikro-blogimit të cilën momentalisht e mban faqja Twitter.

Rrjeti më i famshëm social në internet, Facebook, gjatë kësaj jave njoftoi se do të lansojë një shërbim të ri që kërcënon të dëmtojë pozitën udhëheqëse në fushën e mikro-blogimit të cilën momentalisht e mban faqja Twitter.


Facebook Lite është një version i thjeshtuar i faqes origjinale të Facebook, dhe ju lejon që të vendosni statusin e fundit tuaj të përdoruesit duke e lidhur kështu çdokënd me miqtë e tij.

Për sa i përket ndryshimeve të dukshme vizuale versioni i Facebook Lite ka vetëm kategoritë e Wall, Info, Friends, Photos & Video kategori këto të cilat gjenden në anën e majtë, si dhe një pjesë e lënë për të vendosur disa reklama. E gjithë pjesa qendrore është e rezervuar për mesazhe mbi statusin tuaj.

Me këto ndryshime Facebook do të jetë në gjendje të shfrytëzojnë plotësisht potencialin e FriendFeed , me mjetet për menaxhimin e aktiviteteve në internet, mjet të cilin kompania e ka blerë gjatë javës për 50 milionë dollarë amerikanë.

Se a do të ketë sukses kompania Facebook të rrëmbejë një pjesë të caktuar nga shtrirja e tregut nga Twitter mbetet për t'u parë, por është e sigurt se fusha e mikroblogimit do ë bëhet shumë interesante dhe me fitim në Internet.