Microsoft: Nexus One do ta dëmtojë platfromën Android

Kompania Google ka njoftuar se telefoni i tyre më i ri, Nexus One, mund të blihet online, përmes dyqanit të Google i cili është online, pa pasur nevojë që përdoruesit e telefonit të lidhen ekskluzivisht për asnjë operator mobil.

Në anën tjetër kompania Microsoft ankohet për strategjinë e rivalit të saj, duke thënë se kjo mënyrë e lojës po bëhet në dy anë. Ofrimi i Nexus One edhe përmes operatorëve mobil, po edhe krejtësisht vetëm nuk mund ti sjell asnjë të mirë sistemit operativ Android, përkatësisht do ta dobësojë këtë platformë.

Google thotë se ky sistem operativ tashmë gjendet në më shumë se njëzetë telefona mobil, dhe se planifikon që Android të përvetësojë edhe më shumë modele të telefonave mobil.