YouTube me version të ri?

nga **AstronauT** Mon Dec 07, 2009 7:40 pm

Në tentativën e tyre për të pasur edhe më shumë efikasitet, shërbimi për shpërndarjen e videove në internet, YouTube, ka filluar me testimin e versionit të ri, shumë më të thjeshtë, të faqes. Versioni i ri i shërbimit të famshëm për video, do të titullohet “Feather”.

Ky version karakterizohet me një numër më të madh të karakteristikave, për përshpejtimin e video përmbajtjes, në bazat e kualitetit standard (në vend të atij në HD), dhe të njëjtat mundësojnë mënjanimin e opsioneve siç është kontrolli i madhësisë së ekranit dhe ngjyrave të ndryshme në të.

Përveç tjerash, edhe numri i komenteve nën video do të jetë i limituar, vetëm deri në dhjetë të tillë. E tërë ideja është që versioni i ri i shërbimit, të mundësojë ri-prodhimin sa më të shpejtë të video materialit.