Kinë: Shiten mbi 200 mijë iPhone 4

Para porositë për telefonin më të famshëm të këtyre ditëve në Kinë, iPhone, ka tejkaluar shifrën 200 mijë copë.

Telefoni i mençur i Apple ka filluar shitjet me para porosi prej ditës së shtunë, ndërsa ofruesi i këtij telefoni për shtetin kinez - China Unicom thotë se i ka ndalur porositë e reja për shkak të kërkesës së madhe, ndërsa mundësia për të ofruar më shumë sasi të këtyre telefonave, është e limituar.

Më shumë se 60 mijë blerës të rinj tashmë kanë marrë modelin më të ri të iPhone përmes operatorit mobil, China Unicom, thuhet në kumtesën e këtij ofruesi të telefonisë mobile në Kinë.

Sa për krahasim, në vitin 2009 janë dashur rreth 6 javë për të shitur 100 mijë iPhone 3GS, ndërsa iPhone 4 tashmë ka arritur rekorde të reja, sidomos pas depërtimit në tregun kinez.

Sa për ilustrim, tregu kinez numëron më shumë se 800 milion përdorues aktiv të telefonisë mobile.