A po ngec Twitter?

Në fillim të vitit 2009, faqja e njohur për mikro-blogim me 140 shkronja ishte shndërruar në njërin nga gjigantet e rrjeteve sociale. Por që nga mesi i vitit të kaluar, numri i përdoruesve Twitter është rrafshuar dhe nuk është ngritur edhe aq shumë, krahasuar me të tjerët.

Compete, një firmë për analiza në ueb, thotë se numri i vizitorëve të faqes nuk ka ndryshuar shumë që nga qershori dhe numri prej 22 milionë vizitorëve në dhjetor ishte për rreth 770,000 më pak se numri më i lartë, i cili ishte në gusht.

Analistë të tjerë thonë të njëjtën gjë, duke shtruar pyetjen: A ka ngecur Twitter?

"Ndoshta Twitter ishte një viktimë e suksesit të saj," tha Andrew Lipsman, një analist në comScore, një tjetër kompani që gjurmon trafikun në faqet e internetit. "Ajo u rrit kaq shpejt sa edhe vet nuk e ka planifikuar, duke i tejkaluar pritjet e veta."

Por, disa analistë thonë se ky nivelim i popullaritetit nuk duhet të shihet si një dështim, sepse njerëzit që përdorin Twitter janë duke e përdorur atë më shumë se kurrë më parë.