Twitter lason faqe për profesionistët?

nga **AstronauT** Sat Nov 28, 2009 11:29 am

Faqja e internetit e njohur për mikro-blogim "Twitter”, vitin e ardhshëm do të lansojë një version të faqes të destinuar vetëm për profesionistët, e cila do të paguhet, tha bashkë-themelues i faqes Biz Stone.

Twitter do të mbajë të njëjtën ndërfaqe për përdoruesit e versionit të saj pa pagesë, por për përdoruesit profesional do të paraqes një mjet të ri që lejon analiza statistikore të të dhënave të shkëmbyera në rrjetin social.

Çmimi i abonimit për faqen profesionale të Twitter ende nuk është përcaktuar, njoftoi gazeta javore “Nouvel observer".

Twitter ka për qëllim rritjen e mëtejshme të numrit të përdoruesve, duke arritur shifrën prej një miliardë deri në vitin 2013.