SAMSUNG: KAMERË / TELEFON ME 12MP DHE AMOLED!

nga **AstronauT** Mon Oct 05, 2009 1:26 am

Samsung Electronics e ka lëshuar në treg telefonin e saj mobil me AMOLED, me kodin 12M, që përmban një kamerë me 12 mega-piksel me zoom të plotë dhe butonin për thirrje automatike.

Kamera e telefonit e ka zoomin e trefishtë optik dhe përfshin karakteristika të cilat shihen në kamerat e fundit kompakte duke përfshirë incizimin në 720p HD video, AF Tracking, Smart Auto dhe Identifikimin e Fytyrës.

Të gjitha funksionet e tjera janë të kontrolluara nëpërmjet një ekrani të ndjeshëm në prekje me WVGA (800x480 piksel, 1.152.000 pika) dhe AMOLED (Active Matrix Organic Light-Emitting Dioda). Fillimisht, kamera është lansuar në tregun Korean, ndërsa telefoni / kamera është një produkt i Samsung Electronics, kompani e cila është e përfshirë në tregun e telefonave të biznesit.

Thuhet se kompania është e interesuar të marrë parasysh përvetësimin e biznesit të kamerave dixhitale Samsung – e cila tani është një kompani e veçantë e quajtur Samsung Digital Imaging.