Edhe Samsung përgatit kompjuter tablet

Edhe Samsung përgatit kompjuter tablet


Drejtori i Samsung ka konfirmuar zhvillimin e kompjuterit
tablet të cilin kompania planifikon ta paraqes në gjysmën e dytë të
këtij viti.

Trendit të sivjetmë të lansimit të kompjuterëve
tablet i bashkohet edhe Samsung me modelin e vet, i cili do të ketë një
dok (dock) të veçantë për desktop. Informacionin e ka konfirmuar Philip
Newton, drejtor i Samsung Australia, i cili ende nuk ka bërë publike
detajet konkrete teknike.



Dihet vetëm se pajisja e re do të ketë më shumë mundësinë të
lidhjeve dhe performansa mjaft të mira sa që përdoruesve t’u bëhet
kompjuter primar. Newon gjithashtu ka lënë të kuptojë për mundësinë e
përdorimin e procesorëve Atom nga Intel apo atyre Moorestown të cilët
ende pritet të dalin, për dallim nga prodhuesit tjerë të cilët
kryesisht shfrytëzojnë procesorë të arkitekturës ARM.
Samsung planifikon ta lansojë në tregun e gjerë gjatë pjesës së dytë të këtij viti.