Apple mund të shesë gazeta dhe revista?

Sipas thashethemeve të fundit thuhet se Apple është duke projektuar një formë të re, të ngjashme me atë të aplikacionit iBooks, mirëpo e cila do t’i shërbejë kompanisë të shesë gazeta dhe revista me abonim.

Tani, Wall Street Journal thotë se ka më shumë informacione lidhur me planet e kompanisë Apple për gazetat dhe revistat, duke thënë se Apple është duke organizuar takime me publicistët që të lansojë shërbimin “brenda një ose dy muajve të ardhshëm”.

Sipas burimeve të afërta me këtë çështje, thuhet se Apple i ka ftuar konsorciumet e mëdha mediale që t’i bashkëngjiten asaj në planet për shitjen e përmbajtjes mediale, në formë të abonimit.

Në anën tjetër, specialistët e industrisë mediale thonë se tableti iPad do tu mundësojë atyre rritjen e të ardhurave dhe distribuimit, gjë e cila atyre ju nevojitet më shumë se kurrë.

Mirëpo, gjithashtu ekziston edhe frika se Apple do ta marrë gjithë fuqinë që e kanë mediat, njësoj sikurse ka bërë me industrinë e muzikës pas lansimit të iPod apo iTunes.