Celularët mund të parandalojnë sëmundjen e Alzheimer

Një studim i realizuar në SHBA mbi minjtë, vërtetoi se telefonët celularë mund të parandalojnë disa ndikime të sëmundjes Alzheimer.

Një grup shkencëtarësh të kryesisë Gary Arendash në universitetin e Floridës Jugore vërtetoi se një grup minjsh të cilët kishin pasur ndryshime gjenetike në trajtën e sëmundjes së Alzheimerit pasi qëndruan për një kohë të gjatë nën efektin e dallgëve elektro magnetike të telefonit celular treguan të njëjtin sukses me minjtë e shëndoshë nëpërmjet testeve që kontrolluan aftësinë e kujtesës dhe të menduarit.

Studiuesit i mbajtën minjtë për një periudhë shtatë–nëntë mujore çdo ditë nën efektin e dallgëve elektromagnetike të cilat mund t’i marrë një person normal duke folur dy orë në ditë me celular dhe pas kësaj kohe vëzhguan ndalimin e mbledhjes së proteinës beta amiloid e cila është një nga veçoritë e theksuara të sëmundjes Alzheimer.

Pas diskutimeve të zhvilluara rreth temës së ndikimit të celularëve në kancerin e trurit, përftuesi i rezultateve mahnitëse, drejtuesi i ekipit të studimit, Arendash, theksoi se për të arritur rezultate më të shpejta, për t’i praktikuar dhe për të vendosur eksperimentimin apo jo tek njerëzit, janë duke zhvilluar eksperimente më të hollësishme.

Një nga pjesëtarët e ekipit të studimit Chuanhai Cao pohoi se studimi është një argument ose provë e cila tregon se përdorimi i tepërt i celularëve nuk dëmton trurin.

Studiuesit theksojnë se rreth sëmundjes se Alzheimerit e cila nuk ka një mënyrë kurimi të përcaktuar, shumë metoda të cilat kanë pasur ndikim tek minjtë nuk japin të njëjtat rezultate tek njerëzit.