Facebook pasqyrë e ndryshimeve sociale

Palo Alto, 12 janar - Themeluesi i rrjetit më të madh social në bote Facebook, Mark Zuckerberg preferon të hedhë një hap më tej në lidhje me akuzat për shkeljen e privatësisë së njerëzve.
25 vjeçari ka pranuar se Facebook është një blog që nuk respekton privatësinë e njerëzve, por sipas tij, tashmë kjo është kthyer në një mënyrë jetese pasi normat sociale ndryshojnë me kalimin e kohës dhe njerëzit mund të shkëmbejnë pa asnjë problem informacionet personale. Ai shtoi se tashmë është mbyllur një epokë dhe ka nisur një tjetër.
“Kur fillova të mendoja për Facebook në dhomën time në Harvard, të gjithë më pyesnin pse duhej të hidhja informacione në rrjet? Por më pas shpërthyen shumë blogje dhe shërbime të këtij lloji. Sjelljet sociale evoluojnë me kohën”, thekson Zuckerberg. Ai shtoi gjithashtu se Facebook nuk ka bërë gjë tjetër veçse ka pasqyruar ndryshimet e mëdha sociale.