Microsoft zhvillon aplikacionin ''Photo DNA''

Gjiganti amerikan i informatikës, "Microsoft" ka hedhur në treg një program që është në gjendje të diktojë materialet pedopornografike që qarkullojnë në internet.

Softueri më i ri i pagëzuar me emrin “Photo DNA”, arrin të kapë në rrjet “gjurmët gjenetike” dhe pas analizimit të tyre, nëse materiali përputhet me përshkrimet pedopornografike në database-n e tij fshihet menjëherë nga qarkullimi në internet.

“Microsoft” njofton se programi tashmë ndodhet në duart e qeverisë amerikane dhe shumë shpejt do të shpërndahet tek të gjithë provider-at më të mëdhenj globalë.