ACER BËHET PRODHUESI I DYTË MË I MADH NË BOTË!

nga **AstronauT** Mon Oct 19, 2009 6:37 pm

Acer është bërë prodhuesi i dytë më i madh në botë i cilin bën prodhimin e kompjuterëve personal për herë të parë në historinë e saj, ndërsa kompania furnizon tregun botëror me rreth 14% të gjithë kompjuterëve.

Sipas raportit të IDC për tremujorin e tretë të këtij viti, tregu i PC-ve dominohet ende nga HP, kompani kjo e cila qëndron shumë sovrane me 20,2% të tregut ndërsa kompania Dell mund të llogarisë vetëm në 12.7% të tregut këtë vit.

Edhe pse në vitet e para të ekzistimit të kompanisë, shumica e njerëzve nuk do të ishin në gjendje të njohin emrin apo markën tregtare të Acer, gjërat kanë ndryshuar tani pas integrimit të kësaj kompanie me kompaninë tjetër të fuqishme, Gateway, dhe paraqitjes së një numri të modeleve të ndryshme të kompjuterëve në SHBA dhe Evropë.

Nga ana tjetër, Dell ka humbur një pjesë të tregut dhe pozitën e prodhuesit të dytë më të madh në botë.