Ofrohen 13 milionë dollarë për domenin Sex.com

Për domenin e internetit Sex.com janë ofruar hiq më pak se 13 milionë dollarë amerikanë. Oferta ka ardhur nga kompania Clover Holdings Limited, e cila ka zyrën qendrore në ishullin St. Vincent të Karaibeve. Për shkak të falimentimit, korporata e internetit Escom LLC ka qenë e shtyrë ta shes këtë domen.

Avokatët të cilët përfaqësojnë Escomin kanë kërkuar nga gjykata në California të pranojë ofertën e Clover si më të përshtatshmen, në mënyrë që puna përfundimisht të kryhet.
Një nga domenet më të vlefshme të internetit, Sex.com, është ofruar në shitje gjatë korrikut të këtij viti, pasi që kompania amerikane ka dorëzuar letrat për shpalljen e falimentimit.