Intel Core i3 të dal në janar

Intel është duke u përgatitur që të lansoj një bashkësi të re të
CPU-ve, të quajtur Core i3, në Panairin e Elektronikës Konsumues (CES),
që mbahet në janar të vitit 2010

Kompania gjithashtu pritet që
gjatë këtij panairi të shpalos pjesë të reja Core i5 për dekstop PC.
Deri më tani nuk është ofruar asnjë detaj teknik rreth këtyre çipave të
rinj, por nga emri kemi lirinë që të parashikojmë se këta do të jenë
çipat kompjuterik më të lirë dhe më të lehtë, të serisë Core.

Gjithashtu
parashihet se ata do të jenë çipat e parë të ofruar për treg, që do të
shfrytëzojnë arkitekturën e re të kompanisë, atë 32 nm që është koduar
me emrin Westmere.

Intel pati paralajmëruar në IDF gjatë muajit
shtator se çipat 32 nm do të futen në fazën e prodhimit gjatë fundit të
vitit 2009, duke sjellë kështu kosto të reduktuar dhe konsumim më të
ultë të energjisë.

Inovacionet tjera të premtuara për vitin
2010 përfshijnë një procesor gjashtë bërthamësh, integrimi i grafikave
në pakon CPU dhe zgjerimet e reja të dizajnuara për të përshpejtuar
enkriptimin e të dhënave.