Mehmet Kosova vjen në Prishtinë më 11 dhjetor .

U konfirmua lajmi për ardhjen e aktorit turk, Kenan Imirzalioglu, që nga kosovarët njihet si Mehmet Kosova.
Më 11 dhjetor, qytetarët e Kosovës gjegjësisht fansat, do të kenë mundësi të shohin “live” heroin e filmit “Jeta e hidhur” tek sheshi “Nëna Terezë” në Prishtinë.

Aktori i njohur turk, do të jetë dy ditë me radhë mysafir në Prishtinë. Ai do ta bëjë hapjen e Javës së Filmit Turk, që fillon me 11 dhjetor në Kinemanë ABC. Java hapet me filmin e tij “Kapadaiu”.

Lajmin për ardhjen e tij konfirmoi edhe Ambasada turke në Prishtinë, e cila kishte marrë shumë kërkesa për të realizuar këtë vizitë.
Së bashku me Imirzalioglun, në Prishtinë do të qëndrojnë edhe regjisori i filmit, Omer Vargi, dhe aktori tjetër, Shener Shen.