Mac AppStore, online brenda 90 ditësh

Në ngjarjen e ditës së djeshme të gjigantit amerikan Apple, të cilën kjo kompani e ka emërtuar “Back to the Mac”, drejtori i saj Steve Jobs ka paralajmëruar dyqanin virtual të aplikacioneve Mac AppStore, i cili do të lëshohet në Snow Leopard brenda 90 ditësh.

Dyqani virtual i aplikacioneve Mac App do të punojë në mënyrë të ngjashme me versionin e AppStore i cili tashmë është funksional për pajisjet e Apple, si: iPhone, iPad dhe iPod Touch.
Në versionin e dyqanit virtual për kompjuterët Mac, Apple do të marrë 30 për qind të fitimit nga shitja e aplikacioneve, ndërsa zhvilluesit të cilët i projektojnë ato do të marrin pjesën më të madhe të fitimeve, ose 70 për qind.
Përdoruesit e Mac do ta kenë mundësinë të blejnë nga spektri i gjerë i aplikacioneve për kompjuterin e tyre, ngjashëm sikurse bëjnë për pajisjet e tyre të cilat mbështeten në sistemin operativ, iOS.